باي الهواتف الذكية الي تتباع على ال. marché parallèle في تونس⛔
باي باي الهواتف الذكية الي تتباع على ال
marché parallèle في تونس⛔
الحدث الجمعة هاذي و تحديدا نهار الأربعاء 16 ديسمبر هو الإعلان على التجارب الأولى متاع بلوكاج الIMEI متاع التليفونات الي تتباع في الmarché parallèle... بعبارة أخرى التليفونات الي ماهيش داخلة عبر المسالك الرسمية ماعادش باش تخدم في تونس. هوني بعض الأسئلة و الاجابات الي يمكن أي واحد يحب يسألها:
⬅️شنوا الIMEI؟
➖الIMEI هو الInternational Mobile Equipment Identity و هو بعبارة أخرى البصمة متاع التليفون و كل تليفون في العالم عنده الIMEI الخاص بيه و الي ما ينجمش يتبدل. الIMEI تلقاوه على الباكو متاع التليفون أو بجنب الbatterie (بالنسبة للتليفونات الي مازالو يتحلو).
⬅️شنوا باش يصير للتليفونات الي جاية من الmarché parallèle؟
➖التليفونات هاذم الIMEI متاعهم ماهوش موجود في الbase de données متاع الCERTE لذلك ماعادش باش يمشيو على ال réseau التونسي.
⬅️وقتاش يبدا البلوكاج؟
➖الإعلان في الأسبوع هذا البداية تجربة و من المنتظر.. ان يبدأ التطبيق في جانفي2021.
⬅️هل فما تجارب في بلدان أخرى؟
➖نعم في العديد من البلدان منها لبنان الي أطلقتها في 2013.
⬅️كيفاش نعرف انه التليفون الي شريته bloqué أم لا؟
➖باش يقع إطلاق un code ussd و عن طريقه وقتها تحط الIMEI متاع تليفونك تعرف هل هو bloqué أم لا.
⬅️هل الblocage يخص التليفونات الي يخدمو بالroaming؟
➖لا. التليفونات الي جايين من البرة و يخدمو بالroaming ما يشملهمش البلوكاج.
⬅️شنوا نعمل كي نجيب تليفون من الخارج و نحب نخدمو على الréseau التونسي؟
➖ندخل على موقع انترنات اسمه sjalni و نحط الIMEI متاع التليفون و معطيات أخرى كيف الباسبور و وقتاش دخل لتونس و غيرهم... و من بعد يقع السماح للهاتف الذكي هذا باش يخدم على الRéseau متاعنا.
⬅️قداش من تليفون انجم نجيب معايا؟
➖باش يكون فما عدد محدود جدا من التليفونات الي تنجم تجيبهم معاك من الخارج باش تخدمهم في تونس.
⬅️شنوا المزايا متاع البلوكاج؟
➖فما زوز مزايا بالأساس، الأولى هو دعم قطاع بيع الهواتف عبر المسالك الرسمية. (قطاع يعيش في 135000 شخص في تونس). الثانية هو البلوكاج متاع التليفونات المسروقة يعني كي يتسرقلك تليفونك تمشي لمركز الشرطة و تعمل محضو و بنسخة من المحضر تنجم تعمل بلوكاج متاع الIMEI متاع تليفونك باش ما عادش يخدم في ال
Réseau
التونسي.
خالد سويسي.
ليست هناك تعليقات